Հիսուսի արձանը Հայաստանում
2025 թվականին Հայաստանում տեղի կունանա Հիսուս Քրիստոսի արձանի բացումը, որը կլինի աշխարհում ամենաբարձրը։ 33 մետրանոց արձանը կտեղադրվի 44 մետրանոց պատվանդանի վրա։
Այն կտեղադրվի Կոտայքի մարզում գտնվող Հատիս լեռան գագաթին՝ 2528 մետր բարձրության վրա։ Համաձայն կանխատեսումների այն մեծ զբոսաշրջային հոսք կապահովի երկիր։
Նախագծի հեղինակն ու ֆինանսավորողը «Բարգավաճ Հայաստան» կուսակցության նախագահ, նախկին պատգամավոր, գործարար Գագիկ Ծառուկյանն է։ Արձանը նախագծել և կերտել է քանդակագործ Արմեն Սամվելյանը, ում առաջարկն ընտրվել է մրցույթի ժամանակ ավելի քան 200 հայտերից։
Հիմնարկեքի արարողությունը տեղի է ունեցել 2022 թվականի հուլիսին, իսկ 2024 թվականի հոկտեմբերի վերջին արձանի կառուցումն արդեն ավարտված էր։
Երբ 2024 թվականի սեպտեմբերի 8-ին այցելեցի Սամվելյանի արվեստանոց ինձ անչափ տպավորեց աձանի չափերը։ Երեք մասից բաղկացած և կողք կողքի դրված արձանի կտորները նույնիսկ անջատ վիճակում ավելի բարձր էին վեր հառնում քան հարակից շինությունները։
Հիսուսի արձանի վերին հատվածը
Հատիս լեռան վրա պլանավորվում է կառուցել ճոպանուղի, թանգարան նվիրված Հիսուս Քրիստոսի կյանքին, ինչպես նաև 1700 աստիճաններից բաղկացած կասկադ։ Այս ամենից զատ տարածքում կբացվեն բազմաթիվ սրճարաններ, ռեստորաններ ու հյուրանոցներ, որոնք մասը կդառնան այս ամբիցիոզ ծրագրի։
Թեև նախագիծը հավանության է արժանացել կառավարության կողմից և ակնկալվում է, որ այն զգալիորեն կխթանի զբոսաշրջությունը Հայաստանում, արձանի տեղադրումը առանց քննադատությունների չի անցել: Մայր Աթոռ Սուրբ Էջմիածինը դեմ է արտահայտվել՝ պնդելով, որ արձանը չի համապատասխանում հայ եկեղեցու դարավոր պաշտամունքային ավանդույթներին։
Ահա թե ինչպիսի տեսք կունենա Հիսուսի արձանը և նրա շրջակայքը
Չնայած հանրության մեջ առկա տարաձայնություններին, ակնկալվում է, որ Հատիս լեռան վրա գտնվող Հիսուսի արձանը դեպի իրեն կձգի զբոսաշրջիկներին աշխարհի տարբեր ծագերից։
Լուսանկարներ
You May Also Like
The Tallest Stalin Statue Ever Erected
The Biggest Bank Robbery in the Soviet Union
The Real Story Behind the Movie The Lost City of Z
On Reinhold Messner’s book “The Crystal Horizon: Everest – The First Solo Ascent”
Hiking Guide to Climbing Mount Azhdahak
Molokans in Armenia
The movie Seven Years in Tibet is based on Heinrich Harrer’s eponymous book
Goran Kropp's Ascent to K2 Mountain
