Քարի լիճ – Հայաստանի ամենաբարձրադիր լիճը, որը հասանելի է սեդանով
Արագած լեռան լանջերին կան բազմաթիվ բարձրադիր լճեր, որոնք դեպի իրենց են ձգում ակտիվ հանգստի սիրահարներին։ Դրանց թվում են՝ Քարի լիճը, Ռապի լիճը, Մթնալիճը, Աստղական լիճը և այլն։ Այս հոդվածում կխոսենք Քարի լճի մասին։
Երևանից (Հանրապետության Հրապարակ) մինչև Քարի լիճ հեռավորությունը կազմում է մոտ 60 կմ: Հին, բայց լավ պահպանված ասֆալտապատ ճանապարհը տանում է այնտեղ: Առավոտյան ժամին, մինչ խցանումների սկսվելը ձեզանից կպահանջվի մոտ մեկ ժամ 15 րոպե․ և ահա դուք 3200 մետր բարձրության վրա եք։
Քարի լճի հայելու մակերեսը 0,12 կմ² է իսկ խորությունը 8 մետր: Լիճը հիմնականում սնվում է հալվող ձնաշերտերից, սակայն տարվա մեծ մասը 8-9 ամիս այն պատված է սառցե շերտով։
Քարի լիճը և Արագած լեռը հունիս ամսվա կեսերին
Քարի լճի ափին՝ 3200 մետր բարձրության վրա է գտնվում Տիեզերական Ճառագայթների Հետազոտական Կայանը, որը հիմնադրվել է 1943 թվականին խորհրդային հայտնի ֆիզիկոսներ Արտեմ և Աբրահամ Ալիխանյան եղբայրների կողմից։
Հարկ է նշել, որ ձյան խիտ տեղումների պատճառով Քարի լիճ տանող ճանապարհը փակ է նոյեմբերի վերջերից մինչև մայիսի սկիզբը:
Քարի լճի և Տիեզերական Ճառագայթների Հետազոտական Կայանի ամենահին լուսանկարներից մեկը։ 1953 թվական
Եթե ճանապարհորդում եք սեդանով, խորհուրդ է տրվում ընտրել Բյուրական գյուղով անցնող ճանապարհը: Այբուբենի Պուրակի մոտով անցնող ճանապարհը գտնվում է վատ վիճակում։
Վիշապաքար Քարի լճի ափին
Վիշապաքարերը մոնոլիթներ են, որոնք մեծ քանակությամբ հանդիպում են Հայկական Բարձրավանդակում՝ բարձրադիր լճերի կամ ջրերի ակունքների մոտ և կապված են ջրի պաշտամունքի հետ։ Նրանք հանդիսանում են ամենահին հայկական հուշարձանները։
Լուսանկարներ
You May Also Like
The Tallest Stalin Statue Ever Erected
The Biggest Bank Robbery in the Soviet Union
The Real Story Behind the Movie The Lost City of Z
On Reinhold Messner’s book “The Crystal Horizon: Everest – The First Solo Ascent”
Hiking Guide to Climbing Mount Azhdahak
Molokans in Armenia
The movie Seven Years in Tibet is based on Heinrich Harrer’s eponymous book
Goran Kropp's Ascent to K2 Mountain
