Արագածի գրավիտացիոն բլուրը

Աշխարհում հայտնի են հարյուրավոր գրավիտացիոն բլուրներ, որոնք գտնվում են այնպիսի երկրներում ինչպիսիք են Ավստրալիան, Արգենտինան, Բրազիլիան, Կանադան, Չինաստանը, Չիլին, Ֆրանսիան, Հնդկաստանը, Հունաստանը և Հայաստանը։ Այս վայրերից շատերը հստակ անուններ չունեն և պարզապես հայտնի են որպես «Մագնիսական Բլուր», «Մագնիսական Ճանապարհ», «Կախարդական Ճանապարհ» կամ գիտական տերմինաբանությամբ՝ «Գրավիտացիոն Բլուր»:

Այս տեսանյութում դուք կարող եք տեսնել, թե ինչպես է ջրի շիշը գլորվում բլուրն ի վեր: Իրականությունն այն է, որ այս ամենը օպտիկական խաբկանք է, և մեղավորը շրջակա լանդշաֆտն է. թվում է, թե ճանապարհը տանում է դեպի վեր, իսկ իրականում այն ​​տանում է դեպի վար:

Եթե թողնեք մեքենայի փոխանցման տուփը չեզոք դիրքում մեքենան կընթանա բլուրն ի վեր

Վերջ ի վերջո ի՞նչ է իրենից ներկայացնում գրավիտացիոն բլուրը և ինչպես է գիտությունը բացատրում այդ երևույթը։ Սա, ըստ էության, օպտիկական խաբկանք է. շրջակա միջավայրի լանդշաֆտը մարդու մոտ առաջացնում է տեսողական խաբկանք, զառիթափը թվում է որպես վեր տանող ճանապարհ և հակառակը։

Այս է պատճառը, որ երբ մեքենայի փոխանցման տուփը գտնվում է չեզոք դիրքում,  այն տպավորությունն է ստեղծվում, թե այն ընթանում է բլրակն ի վեր՝ դեմ գնալով երկրի ձգողականության ուժին: Այս էֆեկտը նման է Էյմսի սենյակի տեսողական խաբկանքին, որի դեպքում մարդը, ով կանգնած է առջևի անկյունում, կարծես մի հսկա է՝ համեմատած ավելի հեռվում կանգնած մարդու հետ։

Արագածի գրավիտացիոն բլրի կոորդինատները՝ 40°25′55″N 44°14′04″E

Մյուս կետը մոտ է Ամբերդ ամրոցին՝ 40°24'02"N 44°13'50"E